Dev || Mevibeswriter

Saat kadam, saat vachan, Bas main aur tum… sirf main aur tum. Us naye bandhan se pehle ki raat, Mere haathon mein tumhara haath. Do jism, ek jaan, Saat kadam… saat vachan. Na koi gila, na koi shikwa, Sab kuch khatam isi raat. Agle savere ek naya bandhan, Naye rishte, naye jazbaat. Anjaan se do jism, Phir dosti, phir pyaar… Aur ab ek naya rishta, Yeh safar bas saat vachan ka saar. Us naye rishte se pehle ki aakhri shaam, Us shaam ke woh saat kadam — Main aur tum, ek saath. Har kadam ek vachan, Har vachan ek vishwas. Ek antim baar, Is nayi subah se pehle — Bina kuch bole, bina kuch kahe, Bina soche, bina samjhe… Bas mehsoos karein Ek doosre ko — Khamoshi mein, Saat kadam… saat vachan.

Kai dino baad dekho, aaj dhoop nikli hai, Neel aasman ke daaman mein, suraj muskuraya hai — Jaise teri ek jhalak, jo dil ko roshan kar jaati hai... Tumhare kaale baalon ke saaye se dhanka chehra, Tumhari wo halki si muskurahat, Wo sharmaana, wo ithlaana, wo nakhre — Sab yaad hai mujhe... Tum kyun nahi aa jaati wapas? Haan, galti meri thi — maine tumhe samjha nahi... Par galtiyon se seekhna hi to mohabbat ka sabak hai na jaan..., Ab maaf bhi kar do... Ab laut bhi aao na...

Shayad… main kahin gum ho gaya hoon, Jitna sochta hoon, utna hi andar doobta chala jaata hoon… Kai martaba apni baat arz ki thi, Magar lagta hai us waqt bhi rooh kahin aur bhatak rahi thi… Kya laazim hai ke har dafa main hi bayan karun? Kya har zakhm ka izhaar mera hi farz hai? Ek dafa… sirf ek dafa… Tum bhi kuch keh deti to kya bigad jaata? Aur ab… Shayad main dheere-dheere Khud se hi juda hota jaa raha hoon…

 Shaayad, main ab nahi jaanta, Na samajhta hoon, na maanta hoon... Phir bhi jaane kyun, Tere aane ka intezaar karta hoon... Main anjaan hoon — Tere alfaazon se, tere khayalon se, Tere haal se, teri duniya se... Bas dekhna chahta hoon tujhe, Jee bhar ke — ek dafa, Bina kuch kahe, bas mehsoos karna chahta hoon. Tu kaisi hai, ye bhi nahi jaanta, Par har din yehi sochta hoon... Tu kyun nahi aa jaati ab? Laut aa na... Mera vishwas bhi ab dheere-dheere tutne laga hai... Main nahi jaanta kyun... Bas itna jaanta hoon — Shaayad, main sirf anjaan hoon...

 Ek yaadon se bhari raat hogi... 🌙🥀 Tera haath mere haath me hoga... ✨ Wahi purani milne ki jagah hogi, Wahi purani yaadein hongi… 💭💔 Par is baar na tu kuch kehna, Na mai kuch kahunga… Aaj baatein sirf hamari aankhein karne dena… 👀✨ Lana saath ek kagaz aur ek kalam, Main bhi launga ek kagaz aur kalam… 📝💙 Beshak baatein hamari aankhein karengi, Par jo gile-shikwe hain, unko likhna tum uss kagaz pe… 💭💔 Main bhi likhunga, magar is baar jhagde nahi honge, Ek naav banayenge usi kagaz ki… 🚣‍♂️💙 Aur uss naav ko behne denge uss nadhi me, Jitna wo aage badhegi, utne hi dukh mit jayenge… 💨🚢 Ek nayi shuruaat karenge… Bina shikwa, bina gila kee… 💙✨